EDUCATION IS FREE IN QC!
ICYMI: Umarangkada ang Education on Wheels (EOW) program ng Polytechnic University of the Philippines (PUP) katuwang ang Quezon City Government sa mga barangay ng Payatas at Tatalon ngayong Enero.
Nauna nang nakipagpulong kay Mayor Joy Belmonte ang pamunuan ng PUP nitong Agosto 2023 upang ilunsad ang programa.
Layon nitong maibaba sa grassroots communities ang free college education para sa QCitizens.
Nag-umpisa sa Tondo, Maynila, ngayon ay nasa QC na ang EOW, kung saan ginawang classroom ang isang bus. Nilagyan ito ng mga mesa, upuan, whiteboards, at solar panels para sa aircon at ilaw. Kaya nitong magsakay ng 50 estudyante.
Sa Barangay Tatalon, nasa 40 ang mga estudyanteng napabilang sa programa. Sasailalim sila sa hybrid four-year course na BS in Office Administration.
