Pormal nang inilunsad ng Quezon City Government, SPARK! Philippines, at US Department of State – Bureau of Educational and Cultural Affairs, ang Academy for Women Entrepreneurs (AWE) sa Quezon City.

Ang AWE ay nagbibigay ng kaalaman sa mga kababaihan at nagpapalawig ng kanilang network at oportunidad para magkaroon ng negosyo. Sinasanay sila sa pamamagitan ng online training program na DreamBuilder.

Sa QC, aabot sa 40 kababaihan ang magiging benepisyaryo ng programa.

Ayon kay Mayor Joy Belmonte, 100 porsyentong nakasuporta ang lokal na pamahalaan sa mga kababaihan para maging ehemplo sa kanilang kapwa babae na ianggat ang kabuhayan ng kanilang sarili at kanilang pamilya.

Kasama ng alkalde sa kick-off ceremony sina US Embassy in the Philippines Director of Public Engagement Nina Lewis, SPARK! Philippines Executive Director Maica Teves, SBCDPO Head Mona Yap, at alumnae ng programa na si Chona Camille Vince Cruz – Abelado.