Abot-kamay na ang minimithing kasiguraduhan sa paninirahan ng 81 pamilyang residente ng Camp Atienza Socialized Housing Project sa Brgy. Libis matapos maibigay ang kanilang Certificate of Lot Allocation ngayong araw.

Nanguna sa pamamahagi ng mga sertipiko sina Mayor Joy Belmonte, Barangay Chairperson Leny Glivano, QC Housing Community Development and Resettlement Department head Mr. Ramon Asprer, National Housing Authority NCR Officer-in-Charge Kristiansen Gotis, Bases Conversion and Development Authority Executive VP Atty. Gisela Kalalo, Nico at Luigi Pumaren bilang kinatawan ni D3 Rep. Franz Pumaren.

Pinasalamatan din ng barangay si former QC Mayor at Speaker Sonny Belmonte dahil sa suporta nito upang patuloy na maibigay ang lote sa mga residente 13 taon na ang nakakaraan.