Maraming salamat sa Rotary Club of San Francisco Del Monte sa pagbibigay ng apat na vision screening equipment sa Quezon City Health Department.

Ang mga vision screening equipment ay magagamit ng lokal na pamahalaan sa pagsusuri ng kalusugan ng mata ng mga kabataan sa pampublikong paaralan at mga QCitizen na nagpapakonsulta sa mga health center.

Mismong si Mayor Joy Belmonte ang tumanggap ng donasyon mula kina Rotary International District 3780 Gov. Florian Enriquez, at Rotary SFDM President Joan Policarpio.

Naroon din sa turnover ceremony sina District 1 Rep. Arjo Atayde, Coun. Bernard Herrera, City Administrator Mike Alimurung, at QC Schools Division Office Superintendent Carlene Sedilla.