Upang mabigyan ng kasiguraduhang pabahay ang ating mga Qcitizen, naiabot na sa apatnapu’t isang (41) pamilya ang titulo ng lupa mula sa Quezon City Local Government Unit.

Ito ay hatid ng programang ‘Direct Sale’ bilang parte ng Socialized Housing Projects ng Lungsod na naglalayong bigyan ng maayos at abot-kayang pabahay ang mga nangangailangan.

Personal na iniabot nina Mayor Joy Belmonte, Housing Community Development and Resettlement Department (HCDRD) Head Ramon Asprer, at HCDRD Assistant Head Atty. Jojo Conejero ang Transfer Certificate of Titles (TCT) sa mga residente ng Lungsod.