Bilang bahagi ng kanilang study tour ng sustainable practices sa bansang Netherlands, binisita ni Mayor Joy Belmonte, kasama ang pamunuan ng MMDA at ibang Metro Manila Mayors, ang Waste-to-Energy (WTE) plant ng kumpanyang AEB Amsterdam.

Ipinakita ng mga tagapangasiwa nito ang iba-ibang mga proseso at makinarya ng kanilang makabagong planta.

Masusing pinag-aaralan ni Mayor Joy at ng kanyang mga kasama ang WTE, bilang tugon sa mabilis na pagdami ng basura nalilikha sa ating mga Lungsod, bunsod na rin ng pagtaas ng bilang ng populasyon at pagdami ng mga negosyo.

Sa kanyang talumpati, binaggit ni Mayor Joy na sa higit 3 milyong QCitizens at 65,000 na businesses sa Quezon City, napakalaki ng pangangailangan sa waste management at energy consumption. Ayon sa kanya, ang WTE ang isang posibleng solusyon dito.