Nagkaroon ng first coordination meeting ang committee members ng 2023 Gawad Tandang Sora Award bilang paghahanda sa mga gagawing aktibidad kaugnay ng selebrasyon ng National Women’s month sa Marso.

Nabuo ang komite alinsunod sa EO No. 3 na inilabas ng Lungsod Quezon. Layon din ng komite na pumili ng outstanding female QCitizen na nagpamalas ng 7 values at virtues ni Tandang Sora. Ito ay ang katapangan, palabra de honor, kagandahang asal, pagmamalasakit, paglilingkod, kasipagan, at pagkalinga.

Dumalo sa pulong sina Tourism Department OIC Teresa Tirona, Assistant City Administrator Don Javillonar, Human Resources Management Department head Atty. Noel Del Prado, Persons with Disability Affairs Office OIC Deborah Dacanay, Gender and Development Council Office head Janete Oviedo, at iba pang mga kinatawan ng mga miyembro ng komite.