Pormal nang inilunsad sa Quezon City ang Com.musta HIV Community Kumustahan Community-Led Monitoring System ngayong hapon.

Ang Com.musta ay isang mekanismo kung saan inaalam ang kalagayan ng mga Persons Living With HIV (PLHIV) sa komunidad sa pamamagitan ng isang website, https://commusta.ph/. Binuo ito ng Achieve, TLF Share, at HASH, sa pakikipagtulungan sa Quezon City Government, Joint United Nations Programme on HIV/AIDS, U.S. President’s Emergency Plan for AIDS Relief (PEPFAR), United States Agency for International Development (USAID), at Australian Agency For International Development.

Sa pamamagitan nito, mamo-monitor din kung ano-ano ang mga serbisyo na nakukuha ng mga PLHIV at ano pa ang dapat nilang matanggap; masisigurong napapatupad nang maayos ang mga polisiya, at makakapagkolekta pa ng mga kinakailangang datos para sa pagpapabuti ng mga programa para sa kanila.

Nagpahayag naman ng suporta sa programa si Mayor Joy Belmonte, kasama sina Department of Health Usec. Dr. Maria Francia Laxamana, USAID Philippines Mission Director Ryan Washburn, First Secretary for Development Cooperation Australian Embassy in the Philippines Paul Harrington, at UN Resident and Human Coordinator Gustavo Gonzales.

Sumuporta rin sina DANGAL Pilipinas National Chairperson Magdalena Robinson, HIV and Young People Advocate John Michael Ouano, TLF-Share Collective Inc. President Ferdinand Buenviaje, UNAIDS Director Louie Ocampo, Network Plus Philippines Convener for Luzon Elena Felix, LakanBini Advocates Pilipinas, Inc Social Media Officer Aisa Castelano, Network to Stop AIDS Philippines Amara Quesada, at Youth Peer Education Network Network Pilipinas, Inc President and Focal Point-in-charge Ralph Ivan Samson.