Matagumpay na idinaos ang 3×3 Wheelchair Basketball Invitational Tournament noong Sabado sa AFP Wellness Center, Camp Aguinaldo. Inorganisa ito ng tanggapan ni Vice Mayor Gian Sotto at QC Sports Development Office.
Hinirang na kampeon ang koponan mula sa Pasig City, 1st runner-up naman ang Cainta, at 2nd runner-up ang Quezon City.
Layon ng paligsahan na isulong ang inclusivity at mahasa ang mga talento ng Para athletes sa larangan ng sports.
Nakiisa rin sina Coun. Wency Lagumbay, PDAO head Deborah Dacanay, District 3 Action Officer Tommy De Castro, AFP-LTC Ruben Guinolbay, PWBF President Dr. Raul Cembrano, PHILSPADA Sec. Gen. Gody Custodio, PWBNT head coach Vernon Perea, at Coach Mon Casuga ng QC-SDO.
