Sa QC, tuloy-tuloy ang pagkalinga kina lolo’t lola! 
Namahagi ng birthday package ang pamahalaang lungsod sa pangunguna nina Mayor Joy Belmonte at Vice Mayor Gian Sotto sa 150 QC senior citizens na nagdiriwang ng kanilang ika-85 kaarawan ngayong taon kasabay ng selebrasyon ng ika-85 anibersaryo ng lungsod.
Ang bawat rehistradong senior citizen sa lungsod ay makatatanggap ng birthday pack na naglalaman ng masustansyang gatas, juice, oatmeal, spaghetti pack, at sugar-free biscuits.
Ayon kay Mayor Joy, makakaasa rin ang mga lolo’t lola na makatanggap ng kanilang Pneumococcal at flu vaccine sa susunod na taon bilang proteksyon laban sa nakahahawang sakit.
Maaari ding mag-avail ang mga senior citizens ng libreng maintenance medicine sa mga health centers sa lungsod.
Nakiisa sa pamamahagi sina Social Services Development Department OIC Carol Patalinghog at District Action Officers.
