Inilunsad na ng Lungsod Quezon sa pangunguna ni Mayor Joy Belmonte, ang Year 2 ng Cycle to End Violence Against Women (VAW), sa Liwasang Aurora, QC Memorial Circle. Bahagi ito ng 18-day campaign upang mawakasan ang VAW.

Ayon sa QC Gender and Development Council, nasa 600 na mga bisikleta ang ipinamahagi sa mga nag-volunteer na sumali sa programa at nagbisikleta kasama ni Mayor Joy. Kabilang din ang mga babaeng security guard, ambulant vendors, barangay staffs, at iba pang mga sector.

Dumalo rin sa bike event sina Majority Floor Leader Councilor Dorothy ‘Doray’ Delarmente, Councilor Ellie Juan, District 4 Action Officer Alberto Flores, PCW Deputy Executive Director for Operations Maria Kristine Balmes, Assistant City Administrator for Operations Alberto Kimpo at department heads.