MAHALAGANG ABISO SA MGA MOTORISTA 
Asahan ang pagbagal ng daloy ng trapiko sa paligid ng Quezon Memorial Circle at mga kalsada na pagdarausan ng Pride PH Festival March and Float Parade sa June 22, 2024 (Sabado) simula 3:00PM hanggang 6:00PM.
Magsisimula ang Pride PH Festival March sa Tomas Morato Avenue papuntang Timog Avenue, Quezon Avenue, hanggang Elliptical Road at papasok ng Quezon Memorial Circle (QMC) – Commonwealth Avenue Entrance Gate.
Magkakaroon din ng Pride PH Festival satellite venue sa Matalino St. at magsisimula ang simultaneous march sa Malakas St. cor. Matatag St. papuntang East Avenue hanggang Elliptical Road at papasok ng Quezon Memorial Circle (QMC) – Commonwealth Avenue Entrance Gate.
Para maisaayos ang daloy ng trapiko sa mga nasabing lugar, magtutulungan at nakaantabay ang mga tauhan ng Traffic and Transport Management Department (TTMD) at Department of Public Order and Safety (DPOS).
Pinapayuhan ang mga motorista na dumaan sa mga alternatibong ruta.
Maraming salamat po sa inyong pang-unawa.
