Tuloy-tuloy pa rin ang pag-alalay ng Quezon City Government sa mga tsuper na QCitizen!

Ngayong umaga, aabot sa 880 tricycle drivers mula Districts 1, 3, at 4 ang nabigyan ng fleet card na naglalaman ng P1,000 fuel subsidy mula sa lokal na pamahalaan.

Mismong sina Mayor Joy Belmonte, District 1 Action Officer Ollie Belmonte, District 4 Action Officer Al Flores, District 3 Action Officer Atty. Tommy De Castro, Transport and Traffic Management Department Chief Dexter Cardernas, at TTMD-Tricycle Regulatory Division Benjamin Ibon III ang nagbahagi ng mga fleet card sa mga tsuper.

Ang distribution ng fuel subsidy ay bahagi ng pagsasakatuparan ng City Ordinance 3100-2022.