Pormal nang binuksan ng pamahalaang lungsod ang bagong renovate na Saint James Park sa Barangay Nagkaisang Nayon.

Mismong si Mayor Joy Belmonte ang nanguna sa inauguration ceremony ng parke, kasama sina District 5 Rep. PM Vargas, District 5 Action Officer William Bawag, Nagkaisang Nayon chairperson Sonny Dela Cruz, Atty. Zandy Zacate ng Infrastructure Committee, at HOA president Marilyn Blancaflor.

Patuloy na isinasaayos ng lokal na pamahalaan ang mga green at open spaces ng lungsod upang mahikayat ang mga QCitizen na lumabas at mag-ehersisyo. Isa rin ito sa mga paraan ng lungsod para malabanan ang epekto ng climate change.