Tinanggap ng ilang kawani ng lokal na pamahalaan ang Career and Self-Development Award matapos nilang maipasa ang CSC exam at ibang licensure at bar exams. Ginawaran rin ang ilang empleyado ng QC Honesty Exemplar Award para sa kanilang ipinakitang katapatan sa tungkulin.

Samantala, kinilala ang Public Affairs and Information Services Department, Schools Division Office Quezon City, at Novaliches District Hospital bilang COVID-19 Vaccination Champions. Ito ang mga departamentong may pinakamaraming empleyado na may second booster shots laban sa COVID-19.

Natanggap naman ni City Architect Lucille Chua ang QC Exemplary Beyond Workplace Award para sa pagbibigay ng karangalan at inspirasyon sa Quezon City Government kaugnay sa kanyang natamong parangal mula sa UST College of Architecture Alumni Association Inc. na 2023 Distinguished Alumni Awardee.