Namahagi ng dalawang spring-type hydrant keys ang Maynilad sa Quezon City Fire District (QCFD).

Tinanggap ito ni District Fire Marshal FSSupt. Flor-Ian A. Guerrero DSC, kasama ang iba pang tauhan ng QCFD.

Ginagamit ang mga hydrant key sa pagbubukas ng fire hydrants na siyang pinagkukunan ng tubig para sa pag-apula ng sunog.

Nangako rin ang Maynilad na magbibigay sila ng karagdagang hydrant keys para sa buong lungsod bilang suporta sa kampanya laban sa sunog.