Ang Immaculate Conception ay isa sa mga nagwagi sa Barangay Kontra Gutom 2.0 (Hapag sa Barangay) na programa ng Quezon City Government, Grow QC, Joy of Urban Farming, at Department of Interior and Local Government (DILG).

Kakaibang paandar ang hatid ng Farmville ng Barangay Immaculate Conception sa Quezon City. Bukod kasi sa mga makukulay na bulaklak, tampok dito ang samu’t saring halaman na kadalasang naririnig lamang sa kantang “Bahay Kubo.” May mga alagang rabbit at fish pond din sila na tiyak na kaaaliwan ng mga tsikiting.

Silipin ang kanilang ornamental and vegetable farm sa #KwentongQC na ito.