Sa Quezon City, ang mga bata ay malulusog at masisigla!
Daan-daang QCitizen kids ang naglaro at nagsaya sa Kidzoona Mobile Playground sa QC M.I.C.E. Center.
Sa Kidzoona, malaya ang mga bata mula sa mga institusyon at residential facility, at child development centers na maglaro, makihalubilo, at makipagkaibigan sa kapwa nila bata.
Sa kanyang mensahe, binigyang-diin ni Mayor Joy Belmonte na karapatan ng mga bata ang makapaglaro at makapag-enjoy kaya’t lubos ang suporta ng lungsod para maranasan at matamasa nila ito.
Kasama ni Mayor Joy sa opisyal na pagbubukas ng Kidzoona sina Aeon Fantasy Group Philippines (AFP) President and CEO Tetsuhiro Masaru, GMA Kapuso Foundation and Chief Operating Officer Executive Vice President Ms. Rikki Escudero-Catibong at Atty. Joren Tan.
Bukas ang Kidzoona hanggang November 7 sa MICE para sa mga mag-aaral mula sa child learning centers ng lungsod.
