Bumisita sa Quezon City ang mga mag-aaral mula sa iba-ibang bansa sa pangunguna ng International Institute of Rural Reconstruction (IIRR) at Scaling Up Nutrition Civil Society Network (SUN CSN) upang alamin ang mga nutrition at food security program ng lungsod.

Malugod silang tinanggap ng Team QC sa pangunguna ni Mayor Joy Belmonte, at ibinahagi sa kanila ang mga proyekto ng QC tungo sa isang malusog at masaganang lungsod.

Kabilang sa mga ipinaliwanag sa mga foreign students ang Healthy Food Procurement Policy, pagtatayo ng mga urban farms at pagsusulong sa urban agriculture, at nutrition initiatives ng QC.