Pormal nang binuksan sa publiko ang bagong gawang Alley 44 Park sa Barangay UP Village, na nagkokonekta sa Maginhawa St. at Malinis St.

Pinangunahan ni Mayor Joy Belmonte, Councilor Marra Suntay, Councilor Imee Rillo, Councilor Nanette Castelo Daza, Councilor Raquel Malañgen, District 4 Action Officer Al Flores, Parks Development and Administration Department Head Arch. Nancy Esguerra, at Konseho ng Barangay UP Village ang ribbon-cutting ceremony ng parke.

Ang 54-meter long na Alley 44 ay isa sa mga na-reclaim na eskinita sa QC, sa bisa ng mga memorandum na inilabas ng Department of the Interior and Local Government na nag-uutos na i-clear ang mga kalye at bangketa mula sa mga obstruction at encroachment.