Good news, QCitizens!

Wagi ang ilan sa mga programa ng Quezon City sa ginanap na Future Enterprise Awards 2022 ng International Data Corporation (IDC).

Kinilala bilang Best in Future of Customer Experience ang QC Biz Easy – Online Unified Business Permit Application System (OUBPAS), na tumutulong upang mas mapadali ang proseso ng pagkuha ng business permits online.

Best in Future of Digital Innovation naman ang QC iBIZ View – Automated Inspection Audit System (AIAS) na tumutulong sa pag-inspect at pag-verify ng regulatory permit ng mga establisyemento gamit ang tablet o handheld printer na konektado sa online server.

Ang mga programang ito ng lungsod ay kabilang sa iba pang pinarangalan sa 2022 Future Enterprise Awards Philippines na lalaban sa regional finals na magaganap sa IDC Asia/Pacific DX Summit and Future Enterprise Awards 2022 sa October 26, 2022.