Agad na lumikas ang mga kawani ng Quezon City Hall kasunod ng 4.7 magnitude na lindol bandang 12:21 ng tanghali ngayong araw.

Nag-deploy ng mga team ang QC Disaster Risk Reduction ang Management Council para sa Rapid Damage Assessment and Needs Analysis (RDANA) upang masiguro ang kaligtasan ng mga empleyado at ng publiko.

Idineklarang ligtas bumalik sa mga opisina ang mga empleyado bandang 1:31 ng hapon ayon na rin sa direktiba ng QC DRRMO, QC Engineering Department, at Department of the Building Official.