Nag-jamming ang iba-ibang banda sa EarthDay Jam 2024 sa SM Novaliches Activity Center.
Inorganisa ang event ng EarthDay Jam Foundation bilang bahagi ng pagdiriwang ng Earth Day. Katuwang nila ang QC Government, sa pangunguna ng QC Climate Change and Environmental Sustainability Department (CCESD).
Ang Earthday Jam Foundation ay isang non-government organization na gumagamit ng musika at entertainment, upang palawakin pa ang kamalayan ng lahat ukol sa pangangalaga sa ating kapaligiran.
Hinihikayat din nila ang mga kabataan na makilahok sa mga adbokasiyang pangkalikasan.
