Muling nagdaos ng Subdivision Homeowners’ Forum para sa mga taga Distrito 1 at 2 ang City Planning & Development Department (CPDD), na may temang “Homeowners’ Association’s in partnership with QC-LGU,” sa City Hall Main Building.

Tinalakay dito ang ilulunsad ng lokal na pamahalaan na Community Based Monitoring System, ang ulat ng City Veterinary Department (QCVD) sa Stray Dogs and City Pound at Animal Care & Disease Control, at ang mga serbisyong hatid ng Parks Development and Administration Department (PDAD) kabilang ang pag-develop ng open spaces at greening services.

Ipinaliwanag din ni D5 Action Officer William Bawag ang mga serbisyo na maaring maibigay ng District Action Offices sa Districts 1 at 2.

Dumalo sina Mayor Joy Belmonte, City Administrator Michael Alimurung, CPDD head Arch. Pedro P. Rodriguez, Jr., Asst. CPDD Officer Marcelino Pilar, ACA Atty. Rene Grapilon, QCVD Division Chiefs Dr. Esmeralda Encarnado at Dr. Rey del Napoles, PDAD head Arch. Baltazar Avelino, TTMD head Dexter Cardeñas, at QCPD PBGen. Nicolas Torre III.