Lumahok ang mga Kabataang QCitizen ng Barangay Payatas sa isinagawang Disc Golf Demo Clinic sa Payatas Controlled Disposal Facility (PCDF) noong Sabado, May 13, 2023.

Layon ng Disc Golf Demo Clinic na bigyang-kaalaman ang mga kabataan sa mga non-mainstream sport, tulad ng Disc Golf, at maisulong ang PCDF bilang parke at open space na bukas sa mga QCitizen na naghahanap ng iba pang active lifestyle activities.

Nagbigay din ang Divergent Discs ng mga disc na magagamit ng mga QCitizen sa kanilang pagbisita sa PCDF.

Ang Disc Golf Demo Clinic ay inorganisa ng Quezon City Sports Office, Office of the City Administrator, sa pakikipagtulungan sa Professional Disc Golf Association (PDGA) at Disc Golf Association of the Philippines (DGAP).

Sa mga nais mag-organisa ng Disc Golf Events sa PCDF, maaaring makipag-ugnayan sa Quezon City Sports Office sa 8988-4242 local 8522.