Napuno ng makukulay na ilaw at palamuti ang Barangay Ugong Norte bilang hudyat ng sari-saring pagdiriwang ng pasko sa komunidad!

Dumalo sina Business Permits and Licensing Department (BPLD) Head Ma. Margarita Santos, District 3 Action Officer Atty. Tommy De Castro, at Ugong Norte P/B Yasmine Jorge sa ceremonial tree lighting sa The Clubhouse at Temple Drive.

Ibinahagi ni Santos ang mensahe ni Mayor Joy Belmonte para sa komunidad, at nagpasalamat sa mga bumubuo ng MegaWorld Corporation na isa sa mga partner ng lungsod sa vaccination program. Kabilang din ang Megaworld Malls sa mga nagbukas ng oportunidad para sa mga local artisans ng lungsod para maitampok ang kanilang produkto.