Bilang kinatawan ni Mayor Joy Belmonte, nagsilbing keynote speaker si Small Business Cooperatives Development and Promotions Office OIC Mona Celine Yap sa 2022 National Social Entrepreneurship Conference na may temang “Social Entrepreneurship as Pathway for Inclusive Recovery and Building Back Fairer” sa Ateneo de Manila University.

Ayon kay Ms. Yap, tungkulin ng lokal na pamahalaan na masiguro ang pag-unlad ng bawat residente sa lungsod at isa sa mga pamamaraang ito ay ang pagtiyak na ang bawat programa at polisiya ng syudad ay sumusuporta sa paglago ng mga social enterprises at ang mailapit ito sa mga komunidad.

Sa video message ni Mayor Belmonte, binigyang-diin niya ang kahalagahan ng paglalaan ng sustainable programs para sa mga QCitizens.

Dumalo rin sa conference sina Human Nature Co-Founder and President Anna Meloto-Wilk, Institute for Social Entrepreneurship in Asia President Dr. Marie Lisa Dacanay, Hapinoy President Mark Joaquin Ruiz, at Ateneo Center for Social Entrepreneurship (ACSENT) Director Anna Marina Tan.

Nagbahagi rin si Pasig City Vice Mayor Robert Dodot Jaworski ng kanyang mensahe via video message.