Magbubukas muli ang ating Zipper Lane sa Commonwealth Avenue sa may bahagi ng Fairview bukas, Lunes (April 12).

Sa umaga bukas ito tuwing 6:00AM-8:30AM, Lunes hanggang Sabado. Magsisimula ito sa panulukan ng Commonwealth Avenue at Regalado Highway, at magtatapos sa tapat ng Shell Gasoline Station pagkalagpas ng intersection ng Commonwealth Avenue at Regalado Avenue.

Sa hapon at gabi naman, bukas ito tuwing 5:00PM-8:00PM, Lunes hanggang Sabado din. Ang simula nito ay sa kanto ng Commonwealth Avenue at Fairlane Street, at ang pagtatapos nito ay sa panulukan ng Commonwealth Avenue at Regalado Highway.

Maraming salamat at patuloy nating pag-ibayuhin ang pag-iingat sa ating pagmamaneho.