Wagi ang QC Sangguniang Kabataan Federation sa ginanap na 5th Philippine Sangguniang Kabataan Awards sa Aklan, Boracay noong Aug 10-12, 2024.
Itinanghal na Most Outstanding National SK Council Award – Federation Category ang QC SK Federation na pinangungunahan ni Coun. Sami Neri.
Binigyang pagkilala rin bilang Outstanding Sangguniang Kabataan Council ang SK Payatas at SK Commonwealth habang finalist ang SK Novaliches Proper.
Kinilala naman bilang Outstanding Sangguniang Kabataan Project Awardee ang mga natatanging programa na “Project C.A.R.E.” ng SK Sauyo at “Reskyusi” ng SK Commonwealth, habang finalist ang “Sineskwela” ng SK Batasan Hills.
