Good news, QCitizens!

Muling kinilala ang Quezon City matapos makakuha ng 100% performance rating o katumbas ng adjective rating na Highly Functional para sa taong 2022 mula sa Peace and Order Council (POC) Performance Audit ng Department of the Interior and Local Government (DILG).

Ito rin ang ikalawang taon na natanggap ng QC ang perpektong marka mula sa ahensya.

Patunay lamang na patuloy ang ating lokal na pamahalaan sa pagpapaigting ng mga programa at polisiya para sa kaayusan, seguridad, at kapayaan sa ating sa lungsod.

Ang POC Performance Audit ay taunang isinasagawa ng DILG upang masukat ang kahusayan at pagiging epektibo ng POC sa bawat lungsod at munisipalidad pagdating sa pagtataguyod at pagpapanatili ng seguridad at kaligtasan ng publiko.