Level 2 na ang apat sa mga kurso sa Quezon City University!
Pormal nang ibinigay ng Association of Local Colleges and Universities Commission on Accreditation (ALCUCOA) ang Level 2 Accreditation sa QCU para sa mga programa nitong BS Entrepreneurship, BS Information Technology, BS Electronics Engineering, at BS Industrial Engineering.
Mismong sina Mayor Joy Belmonte at QCU President Dr. Theresita Atienza ang tumanggap ng certificates mula sa ALCUCUA, sa kanilang 16th National Conference sa Manila Hotel.
Kasabay nito, isa rin sa mga naging keynote speaker sa pagtitipon si Mayor Joy Belmonte kung saan tinalakay niya ang tungkulin ng lokal na pamahalaan sa pagtataas ng antas ng edukasyon sa lungsod.
Ayon kay Mayor Joy, mahalaga ang gampanin ng good governance at edukasyon sa pagsusulong ng inklusibo at progresibong komunidad. Nakatuon ang lokal na pamahalaan sa pagbibigay ng de-kalidad na edukasyon para sa lahat.
