Ngayong kauna-unahang National Solo Parents Day, binigyang-diin ng lokal na pamahalaan ang iba-ibang batas at ordinansa na kumikilala at nagpo-protekta sa karapatan ng mga QCitizen solo parents.

Sa kanyang talumpati sa pagtitipon ng solo parents sector sa QC Hall, binanggit ni Mayor Joy Belmonte na batid ng Quezon City Government ang hirap na pinagdadaanan ng kanilang sektor kaya isa sila sa mga prayoridad sa mga serbisyo ng lungsod.

Kabilang dito ang Pangkabuhayang QC, Small Income Generating Assistance, Education Assistance, at Social Welfare Assistance.

Patuloy ding nakikipag-ugnayan ang lungsod sa Department of Social Welfare and Development para sa implementasyon ng iba pang national laws para sa mga solo parent.